Ministrja në detyrë e Punëve të Jashtme, Donika Gërvalla ka pritur në takim ambasadorin e ri të Bullgarisë në Kosovë, Hristo Kraevski.
Gërvalla ka thënë se ka riafirmuar angazhimin e Kosovës për thellimin e marrëdhënieve me Bullgarinë që sipas saj është thelbësore për sigurinë dhe stabilitetin rajonal.
“Në takimin e kortezisë, e prita Ambasadorin e ri të Bullgarisë në Kosovë, Hristo Kraevski, të cilin e urova për fillimin e mandatit të tij dhe riafirmova angazhimin e Kosovës për thellimin e marrëdhënieve me Bullgarinë, një partner i rëndësishëm për Kosovën. Vlerësova mbështetjen e vazhdueshme të Bullgarisë për Kosovën në rrugën e saj euroatlantike dhe theksova nevojën për forcimin e bashkëpunimit mes dy vendeve, që është thelbësore për sigurinë dhe stabilitetin rajonal. Bullgaria mbetet një partner i rëndësishëm i yni në rajon, dhe bashkë me Ambasadorin Kraevski biseduam për zgjerimin e bashkëpunimit në fusha kyçe si ekonomia, siguria dhe inovacioni, duke e cilësuar këtë bashkëpunim si një investim të vlefshëm për të ardhmen e përbashkët të dy vendeve”, ka shkruar Gërvalla në Facebook./teve1.info/
