Një vdekje e dyshimtë ka ndodhur dje në Zubin-Potok, për të cilën tashmë Policia e Kosovës ka nisur hetimet.
Policia në raportin ditor ka bërë të ditur se fillimisht në gjendje të rëndë shëndetësore është dërguar një burrë për trajtim mjekësor nga familjarët, derisa ka humbur jetë në spital.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion (IML), derisa rasti u iniciua si “Vdekje e dyshimtë”.
“Në gjendje të rëndë shëndetësore është sjellë për trajtim mjekësorë nga familjarët e tij viktima mashkull kosovar, i cili në spitalin ku ishte duke marr tretman mjekësor ka ndërruar jetë. Lidhur me rastin njësitë policore kanë dalë në vendin e ngjarjes dhe me urdhër të prokurorit trupi i pajetë dërgohet në IML për obduksion. Rasti nën hetime”, thuhet në njoftim./teve1.info/
