Presidentja e Kosovës, Vjosa Osmani me ftesë të humanistit Halil Kastrati mbrëmë ka marrë pjesë në një iftar në Shtëpinë e të Moshuarve në Suharekë.
Osmani tha se ky iftar ishte një mundësi për të shprehur respekt dhe mirënjohje për ata që kanë kontribuar për shoqërinë në Kosovë.
Tutje, ajo ka falënderuar organizatën “Jetimat e Ballkanit” për punën e tyre.
“Mbrëmë patëm nderin të jem pjesë e një iftari të veçantë në Shtëpinë e të Moshuarve në Suharekë, me ftesë të humanistit Halil Kastrati. Ky iftar ishte një mundësi për të shprehur respekt dhe mirënjohje për ata që kanë dhënë kaq shumë për shoqërinë tonë. Falënderim i veçantë për organizatën “Jetimat e Ballkanit”, për punën e tyre të jashtëzakonshme për t’ju dhënë shpresë dhe për t’i bërë me strehë shumë nevojtarë. Solidariteti është vlerë, e sidomos kur tregohet ndaj atyre që kanë më së shumti nevojë”, ka shkruar e para e vendit./teve1.info/
