V.I nga qyteti i Gjilanit ndërroi jetë pas lëndimeve të marra në një fabrikë në fshatin Stanishor të Komunës së Novobërdës.
E për pranimin e viktimës në spital tregoi specialisti i mjekësisë emergjente në spitalin e Gjilanit, Begush Cana.
“Në 07 e 15 është sjellë një pacient pa shenja jete, për shkak të lëndimeve të rënda trupore që i ka pësuar në vendin e punës. Lëndimet kanë qenë të rënda dhe pacienti nuk ka mundur t’i mbijetojë këtyre lëndimeve. Si pasojë është sjellë në emergjencë, por pa mundësi për t’u kthyer në jetë apo për të bërë diçka më tepër. Nga stafi i emergjencës ka mundur vetëm të konfirmohet vdekja e viktimës”, tha Cana.
Rastin e quajti aksidental Shefi i Hetimeve në Drejtorinë Rajonale në Gjilan, Remzi Azemi.
Remzi Azemi, shef i hetimeve në drejtorinë rajonale në Gjilan.
“Vdekja ka ardhë si pasojë aksidentale. Njësitë tona hetuese bashkë me forenzikën dalin në vendngjarje dhe fillojnë hetimet ku me urdhër të prokurorit hapet rasti ‘asgjësim dëmtim ose heqje e pajisjeve mbrojtëse dhe rrezikimi i sigurisë në punë’”, tha Azemi.
Televizioni ka provuar të kontaktojë edhe me drejtues të fabrikës ku ndodhi aksidenti, por që nuk kanë pranuar të flasin. Madje nuk kanë lejuar të marrin pamje nga vendi i ngjarjes.
I ndjeri la pas vetes bashkëshorten dhe fëmijët.
Ndërkaq deri në muajin e katër të këtij viti 9 persona kanë humbur jetën në vendin e punës.
Kronika e realizuar nga Albiona Hajdari
U aksidentua në vendin e punës. E plagëve nuk arriti t’iu përballojë.
