Katër persona janë lënduar si pasojë e një aksidenti që ka ndodhur të martën në rrugën Varosh- Gërlicë në Ferizaj.
Zëdhënësi i Policisë për rajonin e Ferizajit, Kanun Veseli për tëvë1.info ka bërë të ditur se njëri nga të lënduarit për shkak të gjendjes shëndetësore është transportuar për trajtim të mëtejshëm në Qendrën Klinike Universitare të Kosovës (QKUK) në Prishtinë.
Veseli po ashtu ka njoftuar se në aksident janë përfshirë dy automjete me targa vendore.
“Ju njoftojmë se sot, më datë 25.03.2025, rreth orës 17:00, në rrugën Varosh – Gerlicë, Ferizaj, ka ndodhur një aksident trafiku me të lënduar. Në aksident janë përfshirë dy automjete me targa vendore. Përveç dëmeve materiale, katër persona kanë pësuar lëndime trupore dhe janë dërguar për ndihmë mjekësore në Qendrën Emergjente në Ferizaj. Njëri prej të lënduarve, për shkak të gjendjes shëndetësore, është transportuar për trajtim të mëtejshëm në Qendrën Klinike Universitare të Kosovës (QKUK) në Prishtinë. Njësitë e trafikut rajonal kanë dalë në vendin e ngjarjes dhe po hetojnë rrethanat e aksidentit. Për të gjitha veprimet policore është njoftuar prokurori i shtetit”, ka thënë Veseli./teve1.info/
