Ky nënkalim në fshatin Stanoc të Vushtrrisë u bë skenë krimi mesditën e së mërkurës.
Një 58 vjeçar vrau një grua, dhe më pas vrau edhe veten.
Viktima 42 vjeçare, bashkë me burrin e saj, në të kaluarën kishin qenë punëtorë të autorit të këtij krimi të rëndë.
Kryetari i fshatit, Rrahin Ajeti tregon një arsye që mund të ketë qenë shkaktar i ndodhisë së përgjakshme.
Viktima dhe orasi, Ajeti tregon se nuk kishin lidhje familjare.
Ajeti thotë se viktima dhe dorasi nuk kishin lidhje familjare.
Rastin është duke e hetuar Prokuroria Themelore e Mitrovicës, të cilët ishin në vendngjarje.
“Ka ndodhur një vrasje në qytetin e Vushtrrisë. Dyshimet e para janë për një burrë dhe një grua. Dyshohet se burri fillimisht e ka vrarë gruan dhe pastaj edhe veten. Në vend të ngjarjes ka dalë prokurori kujdestar dhe aty janë gjetur disa gëzhoja”, tha Valon Preteni – zëdhënës i prokurorisë themelore në Mitrovicë
Detaje për vrasjen e dyfishtë dhanë edhe nga Policia e Kosovës.
“Bazuar në hetimet fillestare nga vendi i ngjarjes dyshohet se kryesi i veprës, dorasi 58-vjeçar me iniciale A.M., ka qëlluar për vdekje viktimën femër, 42-vjeçare me iniciale N.H., e më pas i dyshuari ka qëlluar edhe veten. Në cilësi të provave materiale në vendin e ngjarjes janë gjetur dhe konfiskuar një armë pistoletë”, tha Avni Zahiti – zëdhënës i policisë në Mitrovicë.
Sipas hetimeve fillestare, rasti është duke u trajtuar si “Vrasje e rëndë” dhe “Vetëvrasje”.
