NATO ka njoftuar se ushtarët amerikanë të caktuar në Komandën Rajonale Lindje të misionit të KFOR-it kanë zhvilluar një kurs trajnimi për qitje në Kampin Bondsteel, Kosovë.
Sipas KFOR-it ky trajnim synon të rrisë aftësitë e ushtarëve në përdorimin dhe qitjen me armë, duke përmirësuar kështu gatishmërinë dhe kapacitetet e tyre operacionale.
Këto përpjekje janë pjesë e misionit të përditshëm të KFOR-it për të garantuar një mjedis të sigurt dhe të qëndrueshëm për të gjitha komunitetet që jetojnë në Kosovë.
Misioni i KFOR-it vijon të zbatojë mandatin e tij, për të kontribuar në sigurinë dhe stabilitetin në Kosovë, si dhe për të garantuar lirinë e lëvizjes, në çdo kohë dhe në mënyrë të paanshme.
Ndryshe, KFOR-i po vazhdon të bashkëpunojë ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre si mekanizma të sigurisë.
