Vetëm një titull të kampionit e kishte fituar Ancherlechti pas largimit të Besnik Hasit.
Ishte sezoni 2016/2017, kur Anderlechti fitoi për herë të fundit titullin në Belgjikë. Por ndryshe ishte situata kur Hasi ishte fillimisht si ndihmës e më pas edhe si trajner i parë i Anderlechtit.
Nën drejtimin e Hasit, Anderlechti e fitoi titullin në edicionin 2013/2014. Titullin me Andelechtin, Hasi si ndihmëstrajner e fitoi edhe në edicionet 2009/2010, 2011/2012 dhe 2012/2013. Shkëlqimin që kishte dikur synon t’ia kthejë Hasi.
Klubi më i suksesshëm i Belgjikës, Anderlechti, të enjten shkarkoi trajnerin David Hubert dhe e zëvendësoi me Hasin deri në fund të sezonit.
Lëvizja e së enjtes erdhi pasi liga belge hyn në fazë e plejfoit. Anderlechti e përfundoi sezonin e rregullt në vendin e katërt.
Hasi 53-vjeçar, ka qenë trajner edhe i skuadrave në Poloni, Greqi dhe Arabi Saudit. Kthehet ta drejtoj Anderlechtin, skuadër të cilën e udhëhoqi drejt titullit në vitin 2014. Për klubin nga Brukseli ka dhënë kontribut edhe si lojtar.
“Si mund të qëndrosh i hidhëruar për diçka që është pothuajse pjesë e jote. Ky klub më ka dhënë çdo mundësi. Jo se njoh ë shumë njerëz këtu, pasi shumëçka ka ndryshuar, por jo edhe dëshira për trofe. Edhe pse shoh progres, mendoj se nevoja për të fituar diçka është e madhe. Dua ta ndihmoj klubin e zemrës. Kam pasur një takim të shpejtë me kryetarin dhe ajo bisedë shkoi mirë. U vendos që të jepet një kontratë deri në fund të sezonit. Gjithçka ndodhi shpejt”, ka thënë Hasi në konferencën për media.
Hasi si lojtar me fanellën e Anderlechtit ka fitua tre tituj të kampionit dhe dy Superkupa. Ai insiston se njeh mirë ambientin në klub.
“Më kanë kërkuar të përmirësoj lojën dhe rezultatet. Unë ndihem i nderuar që do ta kem mundësi ta ndihmoj klubin e zemrës. Për mua është me rëndësi të kthej pasionin dhe shpirtin luftarak në skuadër. Me cilësinë që është këtu, ne duhet të jemi më të mirë. Jam duke u fokusuar vetëm në muajt e ardhshëm. Çfarë do të ndodhë më pas nuk është e rëndësishme tani. Unë dua ta luaj pljeofin dhe ta fitoj Kupën”, ka theksuar Hasi.
Hasi nuk ka folur për ofertat që ka pasur. Së fundmi, drejtoi Mechelenin në Belgjikë.
“Jemi në fazën më të rëndësishme të garës. Dua të fokusohemi në atë që mund të bëjmë në këtë afat të shkurtër për ta çuar këtë ekip drejt suksesit. Me cilësinë që është, mund ta ndihmoj ekipin të rris nivelin e lojës dhe të marrë rezultate pozitive”, ka thënë Hasi.
Drejtori sportiv Olivier Renard, vlerëson punën që Hasi ka bërë te Mecheleni.
“Mechelen ka luajtur futboll të bukur nën drejtimi ne Besnikut. I përshtatet filozofisë tonë dhe ne duam të shohim punën e njëjtë edhe tek Anderlechit. Unë dua të shoh një stadium që është i zjarrtë”, ka thënë Hubert.
Hasi ka qenë kapiten i Shqipërisë dhe i ka luajtur 47 ndeshje.
