Më 17 mars, pritet që të vizitojë për herë të parë Kosovën.
I dërguari i posaçëm i Bashkimit Evropian për dialogun Kosovë-Serbi, Peter Sorensen në Prishtinë do të qëndrojë dy ditë.
Bashkimi Evropian e ka konfirmuar vizitën me ç’rast ka thënë që menjëherë pas vizitës do të mbajë takimin me Komisionin e Përbashkët për Personat e Zhdukur.
“Përfaqësuesi special i BE-së Peter Sorensen do të bëjë vizitën e tij të parë në Kosovë nga 17-19 mars dhe planifikon të mbajë takimin e tij të parë të Komisionit të Përbashkët për Personat e Zhdukur menjëherë pasi të vizitojë rajonin”, thuhet nga BE.
Angazhimi i menjëhershëm i emisarit në çështje e të pagjeturve po shihet si nismë e mirë e misionit të tij.
Madje, profesori universitar, Avdi Smajlaj thotë që ky përbën dallim mes paraardhësit të tij, Mirosllav Lajçak.
E ish ambasadori i Kosovës në Shqipëri, Sylë Ukshinin thotë se vizita e parë e Sorensenit, do të shërbejë më shumë për njohje.
Peter Sorensen e mori mandatin e tij në muajin shkurt.
