Ish-presidenti i Kosovës, Hashim Thaçi i cili ndodhet në paraburgim në Hagë, sot do të vijë për një vizitë familjare në Kosovë.
Thaçi bëhet e ditur se është liruar për të vizituar babanë e tij i cili aktualisht është i shtrirë në një nga klinikat e QKUK-së, në gjendje jo të mirë shëndetësore.
Burime të Tëvë1 kanë treguar se Gjykata Speciale e ka miratuar kërkesën e mbrojtjes së Thaçit për lirimin e tij të përkohshëm në Kosovë për një ditë për vizitë humanitare.
Mbrojtja e Thaçit kishte kërkuar dy herë më parë gjatë këtij viti lirimin e përkohshëm të klientit të tij për të vizituar babain e tij, por gjykata i ka hedhur poshtë të dy kërkesat e mëparshme.
