Nënkoloneli Meriman Suka ka pranuar kredencialet si “Atashe Ushtarak” me të drejta të plota si përfaqësues i Kosovës në Republikën e Turqisë.
Kështu ka bërë të ditur në një njoftim në Facebook, ministri i Mbrojtjes, Ejup Maqedonci.
Maqedonci tha se bashkëpunimi me shtetin turk do të vazhdon në aspektin e mbrojtjes, ku do të eksplorojnë projekte të reja ushtarake në të ardhmen.
“Është akredituar atasheu ynë ushtarak si përfaqësues i shtetit të Kosovës në Republikën e Turqisë. Nënkolonel Meriman Suka, ka pranuar kredencialet si Atashe Ushtarak me të drejta të plota i Republikës së Kosovës në Turqi. Do të vazhdojmë bashkëpunimin me shtetin turk në aspektin e mbrojtjes, si dhe eksplorojmë projekte të reja ushtarake në të ardhmen”, ka shkruar ministri./teve1.info/
