Një person në Skenderaj është arrestuar të hënën si i dyshuar për veprat penale “mbajtje në pronësi kontroll, posedim të paautorizuar te armëve” dhe “përdorim i armës apo mjetit të rrezikshëm”.
Sipas Policisë, i dyshuari më parë në rrjete sociale kishte postuar një video në të cilën ishte parë duke shtënë me një armë zjarri tytë shkurtër.
Po ashtu bëhet e ditur se në cilësi të provës materiale është sekuestruar arma e llojit pistoletë e cila dyshohet se ishte përdorur nga i dyshuari si dhe tetë fishekë.
“Hetuesit e Stacionit Policor në Skenderaj, kanë identifikuar personin e dyshuar në një fshat të Skenderajt pasi që i njëjti më parë në rrjete sociale kishte postuar një video në të cilën ishte parë duke shtënë me një armë zjarri tytë shkurtër. Personi i dyshuar është arrestuar dhe shoqëruar ne polici ndërsa Pas intervistimit ndaj të dyshuarit është iniciuar rasti për veprat penale: ,,Mbajtje në pronësi kontroll, posedim të paautorizuar te armëve” dhe ,,Përdorim i armës apo mjetit të rrezikshëm” dhe me vendim të prokurorit të rastit i është caktuar masa e ndalimit policor”, thuhet në njoftim./teve1.info/
