Lëvizja Vetëvendosje ka kërkuar që të anulohet votimi me postë për zgjedhjet e 9 shkurtit dhe ky process të përsëritet.
Këtë ankesë LVV e ka paraqitur në Panelin Zgjedhor për Ankesa dhe Parashtresa.
Mirëpo, Eugen Cakolli nga IDK-ja tha se anulimi i votës së diasporës do të kishte pasoja të mëdha, dhe ky vendim sipas tij jo vetëm që do të shkaktonte vonesa në certifikimin e rezultateve, por edhe do të ndëshkonte edhe ata qytetarë që kanë votuar.
“Edhe pse dyshimet mbi manipulimet e mundshme të votave duhen trajtuar e hetuar kujdesshëm, anulimi i plotë i votës së diasporës do të kishte pasoja të mëdha. Një vendim i tillë jo vetëm që do të shkaktonte vonesa në certifikimin e rezultateve, por mbi të gjitha do të ndëshkonte edhe ata qytetarë që kanë votuar në mënyrë të rregullt”, ka thënë Cakolli./teve1.info/
