Eugen Cakolli nga Demokracia në Veprim ka thënë se pas numërimit të të gjitha votave LVV-ja do të ketë 48 mandate, PDK-ja 24 mandate, LDK-ja 20 mandate, ndërsa AAK do të ketë 8 mandate.
Sipas Cakollit kjo shpërndarje e mandateve është e qartë dhe nuk pritet të ketë më ndryshime as nga votat me kusht.
“Në të gjitha zgjedhjet e kaluara, këto vota kanë ndjekur pothuajse të njëjtin trend si votat e rregullta – me një rritje të lehtë për partinë e pare”, ka shkruar ai në Facebook.
Megjithatë, sipas tij e vetmja rrethanë, e cila mund të prodhojë lëvizje në këtë shpërndarje është nëse LDK-ja arrin të marrë mbi 20% të votave me kusht, duke fituar një mandat nga PDK por për këtë, do të duhej një ndryshim i dukshëm i trendit, që nuk ka ndodhur më parë.
