Analisti Shemsi Jashari, thotë se një numër i madh i kandidatëve për deputetë kanë arritur të fitojnë ulëse në Kuvend falë raportit të mirë që kanë me liderin e subjektit politik.
Sipas tij, me ndryshimin e ligjit për zgjedhjet në Kosovë, mundësia për t’i votuar 10 kandidatë ka qenë vendim jo i duhur.
“Sa ma mirë me liderin, aq ma mirë me vota kanë dalë kandidatët, ashtu… gjeneral për të gjitha partitë politike. Dihet që ndryshime te ligjit zgjedhor, ku i mundësohet një votuesi që deri në 10 kandidatë të i votojnë, në bindjen time nuk ka qenë shumë i duhur, kur është bërë ai ndryshim – mund të jetë tendenca e mirë, por nuk është analizuar edhe aq mirë”, tha ai në emisionin “Ditari” në Tëvë1.
Jashari thotë se partitë që janë mirë të organizuara kanë arritur të marrin më shumë vota për kandidatët për deputet.
“Mundësia që të votohen 10 kandidatë i ka dhënë mundësi që partitë e caktuara, aty ku janë me të organizuara të marri më shumë deputetë, dhe në këtë formë që përfaqësimi i përafërt ose i barabartë në nivel vendi të mos jetë shpërndarja e deputetëve në gjithë territorin e Kosovës. Këto parti të caktuara mund të dëmtohen në afatgjatë, në kuptimin e përfaqësimit”, deklaroi analisti./teve1.info/
