Xhevdet Poazhari, Konsulent politik ka thënë se Vetëvendosje po synon të qeverisë pa koalicion duke llogaritur edhe votat e minoritetit jo serb.
Megjithatë ai ka thënë se deklarimet e zyrtarëve të shteteve mike janë që të ketë një koalicion.
“VV po synon të qeverisë e vetme e kanë publike këtë qëndrim duke përllogaritur edhe në votat e minoriteteve jo serbe. Po disponomi i faktorit ndërkombëtar është që të ketë një koalicion. Në gjitha deklaratat që kanë zyrtarët të vendeve mike bëhet thirrje për një domosdoshmëri të një koalicioni i gjerë”, ka thënë Pozhari në emisionin “InfoNata” në Tëvë1.
Ai ka thënë se skenari i cili nuk do të duhej të imponohej është ai i opozitës që synojnë të lënë jashtë fituesin e zgjedhjeve, Lëvizjen Vetëvendosje.
“Skenari që s’do duhej të diskutohej fare është ai që po përpiqet të imponojë opozita që të lë jashtë qeverisjes njeriun që ka fituar 42% të votave dhe duke qenë dyfish më shumë se sa vendi i dytë”, ka thënë Pozhari.
Ndërsa, politologu Albinot Maloku, ka thënë se Kosovës i duhet një qeveri stabile në cilësi e sasi.
Sipas tij, partia fituese duhet të synojë të bëjë koalicione me partitë tjera, por jo me marrjen e deputetëve .
“Një qeveri stabile Republikës së Kosovës do i duhej ta kishte edhe në sasi, por edhe në cilësi. Kjo nënkupton se i pari pas këtij procesi zgjedhor të maksimalizojë mundësinë për të pas një partner serioz në mes të dytin, tretin apo të katërtin e jo përmes deputetëve”, ka thënë Maloku.
