Real Madrid dhe Vinicius Junior, i cili së fundmi shënoi hat-trickun e parë në karrierën e tij, po punojnë për rinovimin e kontratës.
Ka pasur gjithmonë një marrëdhënie të shkëlqyer mes palëve dhe kështu besohet se një marrëveshje do të jetë formalitet, pavarësisht se ende nuk ka asgjë zrytare dhe ka ende aspekte për t’u finalizuar.
Pavarësisht se tifozët ishin të gatshëm për të arritur një marrëveshje, u ra dakord në dhjetor që negociatat do të shtyheshin sa më vonë që të ishte e mundur në mënyrë që të fokusi kryesor të ishte te sezoni.
Tani, me La Liga të fituar, mardilenët po shtyjnë përpara kontratat për Vinicius si dhe me lojtarë si Luka Modric dhe Nacho.
Klubi dëshiron që sulmuesi të nënshkruajë deri në vitin 2028, më shumë nga sa kishte menduar anësori. Klauzola për lirimin e brazilianit në kontratën e re pritet të jetë 1 milard euro, për dallim prej asaj aktuale që është 350 milionë.
Paga është faktori tjetër vendimtar, duke qenë se nuk ka ndryshuar që nga ardhja e tij. Me një pagë aktualisht të ngjashme me ato të Dani Ceballos, Jesus Vallejo dhe Andriy Lunin, ai fiton rreth 3.2 milion euro neto dhe mund të arrijë 4 milion euro me bonuse.
Oferta e re e Real Madridit prej 10 milionë eurosh neto do ta vendosë atë me të paguarit më të lartë të klubit.
Los Blancos janë të sigurt se do të jetë një investim i mirë duke pasur parasysh rritjen e tij gjatë dy sezoneve të fundit.
