Në luftë u rreshtua krah UÇK-së si një shtatëmbëdhjetë vjeçar.
Por shtatëmbëdhjetë vjetori i pavarësisë së Kosovës, nuk do ta gjejë afër festimeve.
Kjo pasi invalidi i luftës, Arton Hoti, i qëndron pas vendimit të OVL UÇK-së, për mospjesëmarrje në festimet e organizuara nga Qeveria e Kosovës për përvjetorin e pavarësisë.
Sipas Hotit, kategoritë e dala nga lufta, ishin përjashtuar edhe më herët nga ana e ekzekutivit për shënimin e datave të rëndësishme të luftës.
Në luftë u rreshtua krah UÇK-së si një shtatëmbëdhjetë vjeçar.
Por shtatëmbëdhjetë vjetori i pavarësisë së Kosovës, nuk do ta gjejë afër festimeve.
Kjo pasi invalidi i luftës, Arton Hoti, i qëndron pas vendimit të OVL UÇK-së, për mospjesëmarrje në festimet e organizuara nga Qeveria e Kosovës për përvjetorin e pavarësisë.
Sipas Hotit, kategoritë e dala nga lufta, ishin përjashtuar edhe më herët nga ana e ekzekutivit për shënimin e datave të rëndësishme të luftës.
“Vitin e kaluar, këta nuk na kanë leju si veteranë të luftës me marrë pjesë, e as që bëhet fjalë me na dërgu ftesë, qysh kanë vepru gjitha partitë tjera si veteranë, ftesë për me marrë pjesë në manifestime të Epopesë së UÇK-së”, invalid i luftës, Arton Hoti.
Sipas tij, Qeveria e Kosovës i ka injoruar njerëzit e luftës përgjatë mandatit të saj.
“Me njëfarë forme na kanë suspendu, na kanë injoru neve si veteranë të luftës. Ma shpesh i kanë takuar njerëzit e Radoiçiqit për me i hjek nga paga minimale veteranët e luftës, se sa që i kanë takuar organizatat e veteranëve të luftës”, Hoti.
Madje, edhe gjuha e përdorur karshi tyre, Hoti thotë se shpeshherë ishte e papranueshme.
“Ai vet, na ka quajtur kriminelë, ministri i tij i Financave ka thënë se më mirë i kish dalë Kosovës me pasë mercenarë të paguar me pare, se sa Ushtria Çlirimtare e Kosovës, pa e llogaritur që na i kemi dhanë gjymtyrët e trupit, shumë dëshmorë për lirinë e vendit”, tha ai.
Të zhgënjyer me mospërfilljen e kërkesave të tyre përgjatë katër viteve të fundit, shprehet edhe Xhevdet Qeriqi nga Shoqata e Invalidëve të Luftës, dega në Fushë Kosovë.
“Jemi ballafaquar me probleme të shumta të invalidëve të luftës, i kemi adresuar kërkesat edhe në Qeveri edhe në Zyrën e Veteranvëve e cila funksionon në kuadër të Qeverisë, por nuk janë marrë fare parasysh”, tha Qeriqi.
Televizioni ka tentuar të marrë një qëndrim nga ana e ekzekutivit në lidhje me vendimin e kategorive të dala nga lufta për mospjesëmarrje në festimet e përvjetorit të pavarësisë, por nuk ka marrë përgjigje.
