Janë bërë më shumë se pesë muaj që Komuna e Gjilanit nuk po mund ta aprovojë buxhetin për vitin 2025.
Një tentativë ishte edhe së fundmi nga kryetari i Komunës, Alban Hyseni i cili ftoi për takim liderët opozitarë në Gjilan.
Por të njëjtit nuk iu përgjigjën pozitivisht ftesës së të parit të Komunës.
E ky i fundit tha për tëvë1 se kjo po bëhet me qëllim nga ta për inate politike.
Madje ai tregoi disa nga efektet negative që dalin nga mosaprovimi i buxhetit.
Kurse nga opozita thanë se arsye për mosvotim është se ka keqpërdorime nga pushteti lokal.
Riad Rashiti nga PDK në Gjilan tregoi edhe propozimet e tyre për kalimin e kësaj pike.
Afati për aprovimin e buxhetit afro 40 milionë eurosh është deri në fund të marsit.
Kësisoj, Hyseni bëri thirrje për reflektim nga opozita pasi sipas tij, është interesi qytetar në pyetje.
