Në ditën e zgjedhjeve, shkolla “Mihal Grameno” ishte një nga qendrat më të mëdha të votimit në Fushë Kosovë.
Në këtë shkollë disa klasë u kthyen të dielën në vendvotime duke larguar kështu bankat e inventarin e shkollës nga hapësirat e tyre.
E dy ditë pas gjithçka i është kthyer normalitetit.
Drejtori i kësaj shkolle tregon se patën të vështirë që të kthejnë klasat në gjendjen si ishin.
“Pas përfundimit pas një punë të lodhshme, ne kemi arritur të koordinohemi me kryetarin e komisionit të vendvotimit, që kur të përfundohet edhe mbledhja e të dhënave dhe numërimi i votave me marrë bankat, klasat me rikthy në gjendje siç ka qenë më parë. Pas përfundimit të gjithë i kanë kthyer inventarin në klasa, ashtu siç ka qenë klasa, edhe letrat që kanë qenë të vendosura në dyer të klasave të gjitha ia kanë pastruar dhe të nesërmen klasat kanë qenë të përgatitura”, ka deklaruar drejtori i shkollës “Mihal Grameno”, Ismet Gashi.
Por në këto zgjedhje kishin një problem.
“Ka qenë sfidë pasi vendimi që është marrë që në qendrat e vendvotimeve të jenë vetëm dy udhëheqës të qendrës së votimit, unë si menaxher i shkollës dhe shtëpiaku që ka menaxhuar nxemjen e shkollës, flugun e madh të qytetarëve e kisha të vështirë unë si menaxher t’i udhëzoja, t’i këshilloja”.
Edhe drejtori i shkollës “Selman Riza”, Esad Simica e konsideron sfidë mungesën e stafit mbështetës, gjë të cilën e kishin zgjedhjet e kaluara.
Por që edhe në këtë shkollë, e hëna filloi normalisht, ani pse mijëra votues votuan këtu dy ditë më parë.
“Jo nuk kemi pas problem, edhe pse dyshime kemi pas edhe pse dihet që aty është një numër bukur i madh që merret me procesin e votimit, por fatmirësisht kemi pas një marrëveshje me klasat të jenë në gjendje ku kanë marrë ata. Kështu pas përfundimit të zgjedhjeve pjesa dërmuese e klasave, janë pastruar, janë kthy nga karrigat dhe bankat nga komisioneve”.
Por ai ka një apel për udhëheqësit e KQZ.
“Nëse mundem me cekë që e kam edhe një apel për të tjerët dmth që këto letrat që po e përcaktojnë klasën po janë me një ngjitës jashtëzakonisht të ashpër dhe po kemi vështiresi me hekë pra është një ngjitës i fortë”, ka deklaruar ai.
Në komunën e Fushë Kosovës morën pjesë në zgjedhje 46,4% e qytetarëve me të drejtë vote.
