Një banke e re mund t’i shtohet Kosovës.
Kjo në rast se Vetëvendosje e fiton edhe një mandat tjetër qeverisës.
Kështu thuhet në planin qeverisës të kësaj partie, ku përmendet themelimi i Bankës Zhvillimore.
Por kjo nuk është hera e parë që Lëvizja Vetëvendosje e ka në plan formimin e kësaj banke.
Edhe në vitin 2021 gjatë fushatës zgjedhore ishte premtuar formimi i saj.
Por gjë e cila nuk u arrit të bëhej brenda 4 vite të Qeverisë Kurti.
E pikëpyetje të shumta në lidhje me këtë bankë kanë nga Oda Ekonomike e Kosovës.
“Sa është e drejtë një konkurrencë prej një banke e cila ka kapital nga buxheti i shtetit, taksi paguesve ka shumë pikëpyetje se si do të funksionojë, kush do të jetë bordi, kush do ta emroj bordin, ndërhyrjet e mundshme që mund të kemi bërë. Ne jemi dëshmitarët të ndërmarrjeve shumë me të vogla publike që nuk po funksionojnë e pse të funksojnojë një banke zhvillimore”, ka deklaruar Lulëzim Rafuna nga Oda Ekonomike e Kosovës.
Kurse eksperti i ekonomisë, Safet Gërxhaliu nuk e sheh shumë të nevojshme hapjen e kësaj banke.
“Kosova e ka një stabilitet shumë të mirë me bankat komerciale, të cilat janë vendore dhe ndërkombëtare. Kosova ka nevojë me shumë për një partnerit publiko privat, ka nevoje për një ambient biznesor me pro biznes me pro sektor privat, ka nevojë me shumë për investime të huaj dhe të gjitha këto të arrihet nga stabiliteti politik, e që Kosovës i mungojnë shumë”, ka thënë ajo.
Nga Lëvizja Vetëvendosje kishin bërë të ditur se Banka Zhvillimore do të jetë mekanizëm për mbështetjen e sektorit privat dhe promovimin e investimeve.
