Bad News Eagles është kualifikuar në fazën “Legend Stage” në turneun më të madh në botë të CS:GO, PGL Antwerp Major.
Suksesin e arriti pasi të enjten mposhti ekipin brazilian MIBR, 2:1 në “harta”. Në ndeshjen me përplot emocione, gjithçka filloj me hartën e zgjedhur nga ekipi kundërshtar ‘Nuke’, ku edhe pse ekipi shqiptar e filloj mirë duke dominuar në pjesën e parë me rezultat 11:4, brazilianët arritën të rikthehen për ta fituar mapin e parë, me rezultat 16:13.
Ndeshja më pas vazhdojë me hartën e dytë ‘Ancient’ të zgjedhur nga ekipi shqiptar, të cilin e dominuan gjatë gjithë kohës, për ta përmbyllur në fund rezultatin në 16:8, duke e dërguar ndeshjen në mapin e fundit dhe vendimtar.
Ndërsa në hartën e fundit dhe atë më emocionues, dhe më të rëndësishmin për të dyja ekipet ‘Vertigo’, gjatë gjithë kohës vazhdoj të zhvillohej lojë e barabartë ku të dyja ekipet arrinin të fitonin raunde njëra pas tjetrës, ku në fund përfundoj me fitore të ekipit shqiptar Bad News Eagles, me rezultat 16:10, për të përfunduar ndeshjen me rezultat të përgjithshëm 2:1 me mapa në të mirë të tyre, transmeton Telegrafi.
Me këtë fitore historike, Bad News Eagles ka siguruar pjesëmarrjen në fazën tjetër të turneut Major, i cili po mbahet në Antwerp të Belgjikës, ku në këtë fazë i presin ekipet më të mira të botës për momentin, FaZe, Na’Vi dhe më shumë, ku shpërndahen çmime në vlera rreth 1 milion dollarë. Ndeshja e tyre e radhës do të zhvillohet duke filluar nga data 14 maj.
