Dëshmitari i 118 i Prokurorisë, vazhdoi së dhënë dëshmi edhe gjatë së mërkurës në Dhomat e Specializuara të Kosovës.
Kësaj radhe, dëshmitari mohoi përfshirjen e Kadri Veselit në qendrën e ndalimit në Kleçkë.
“Është e vërtetë se asnjëherë nuk e kam parë duke e dërguar dikë në atë qendër”, ka deklaruar dëshmitari, Naser Krasniqi.
Por, Krasniqi gjithashtu mohoi se kanë ndjekur pjesëtarë të UÇK-së nën dyshime për vrasje apo keqtrajtim të kolaboracionistëve.
“Ne jemi marrë dhe kemi trajtuar situata dhe raste emergjente, të cilat janë paraqitur ose kanë ndodhur. Dhe asnjë rast i tillë nuk ka pasur hapësirë të trajtohet se nuk kemi pasur kapacitete e as hapësirë kohore, dhe as kërkesë të tillë. Mendoj se kanë munguar plotësisht resurset për një hetim të tillë.”
Dëshmitari tha se të ndaj të ndaluarve është zhvilluar edhe një procedurë disiplinore.
“Deri në momentin e lirimit të të ndaluarve, të njëjtit janë ndjekur për dyshimin e kryerjes së veprave penale. Dhe pas lirimit, është zhvilluar një procedurë disiplinore”, tha ai.
Në fjalën e tij, dëshmitari potencoi se në zonën e Kleçkës kishte qëndruar deri në fund të luftës.
