Politologu Albinot Maloku, ka thënë se kandidati i LDK-së për kryeministër, Lumir Abdixhiku po e kopjon kryeministrin aktual, Albin Kurti në shumë pika.
Ai këtë e ka thënë duke folur edhe për gjuhën e përdorur në fushatë, në emisionin “Këndi i Debatit në Tëvë1m, ku i ftuar ka qenë Xhafer Tahiri, nga LDK dhe kandidat për deputet.
“Z.Abxhixhuku është duke e kopjuar z. Kurtin në shumë pika”, tha Maloku.
Por, këtë e ka mohuar Tahiri, i cili ka thënë se gjuha e LDK-së është unike, ku Abdixhiku po bënë thirrje për unitet.
“Është gjuhë unike e Lidhjes Demokratike të Kosovës dhe nuk mund të pajtohem assesi që është kopjim dhe për këtë gjuhë qytetarë te Kosovës në çdo tubim po japin mbështetje”, ka thënë Tahiri, në emisionin “Këndi i Debatit” në Tëvë1.
Por, Maloku ka përmendur edhe krahasimet që i janë bërë veprimeve të Qeverisë aktuale në veri, ku nënkryetari i saj Lutfi Haziri, ka thënë se ato me konfiskimin e armëve janë si në kohën e Rankoviqit, ndërsa nënkryetari tjetër Gazmen Muhaxheri i ka krahasuar me ato të regjimit të Millosheviqit.
E për këto Tahiri ka thënë se duhet të ftohen ata për sqarim, por është shprehur se ka keqinterpretime për deklaratat e tyre.
