Mesfushori shqiptar, Enis Bardhi ka vendosur për të ardhmen e tij pas shkëputjes së kontratës me Trabzonsporit.
Bardhi është larguar nga Trabzonspori, por karrierën do ta vazhdoj në Superligën e Turqisë pasi do të transferohet te skuadra e Bodrumsporit.
Bëhet e ditur se Bardhi ka pranuar ofertën e Bodrumit, ekip që do të prezantohet pasi ti kryejë kontrollimet mjekësore brenda kësaj jave.
Te Bodrumi, Bardhin po e shohin si përforcim të duhur për mesfushën pasi skuadra po lufton për të siguruar mbijetesën në elitën e futbollit turk.
29-vjeçari është pjesë e futbollit turk prej vitit 2022 kurse karrierë ka bërë edhe te Levante e Ujpesti.
Këtë sezon, Bardhi ka bërë 1 asistim në 13 paraqitje me fanellën e Trabzonsporit.
