Një i mitur është arrestuar nga Policia e Kosovës, pasi që i njëjti dyshohet për veprat penale “vjedhje” dhe “hyrje në sistemet kompjuterike”.
Policia në raportin ditor ka bërë të ditur se i mitur cak të “vjedhjes” e kishte një lokal, nga ku kishte vjedhur pajisje teknologjike.
“Arrestimi i të dyshuarit të moshës se mitur, shtetas i Republikës së Kosovës, është bërë mbi dyshime të arsyeshme dhe provave të siguruara se me datën 17 janar 2025, në rrugën ‘Nexhip Dragaj’ në Mitrovicë, ka kryer veprën penale ‘Vjedhje e rëndë’ ku cak i kësaj vjedhje ishte një lokal nga ku kishte vjedhur pajisje teknologjike”, thuhet në njoftimin e Policisë.
Ndërkohë, pas intervistimit, me aktvendim të prokurorit të dyshuarit thuhet se i është caktuara masa e ndalimit policor për 24 orë.
Ndërkaq, dyshohet se i mituri përmes një telefoni të vjedhur kishte postuar për shitje në rrjete sociale disa pajisje teknologjike që gjithashtu ishin vjedhur. /teve1.info/
