Një incident zjarri ka ndodhur në një ndërtesë banimi ku pullazi i saj ishte përfshirë nga zjarri mesnatën e së shtunës në Ferizaj.
Kështu ka bërë të ditur për tëvë1, zëdhënësi i policisë për rajonin e Ferizajt, Kanun Veseli i cili tha se nuk është raportuar për të lënduar.
Veseli ka bërë të ditur se policia e NJRSh-së dhe policia e rendit kanë reaguar në vend ngjarje duke evakuuar të gjithë banorët.
Ndërkaq, sipas policisë zjarrfikësit kanë arritur ta lokalizojnë zjarrin.
“Më datë 18.01.2025, rreth orës 01:10, kemi pranuar një informacion për një incident zjarri në një ndërtesë banimi, ku pullazi i saj ishte përfshirë nga flakët. Policia e NJRSH-së dhe policia e rendit nga stacioni i Ferizajt reaguan menjëherë, duke evakuuar të gjithë banorët. Pas tyre, zjarrfikësit mbërritën dhe arritën ta lokalizojnë zjarrin. Dëmet materiale janë të konsiderueshme, por fatmirësisht nuk është raportuar për të lënduar. Lidhur me rastin, prokurori i shtetit është njoftuar dhe nën autorizimin e tij, kanë nisur hetimet për të përcaktuar shkaqet e incidentit”, ka deklaruar Veseli./teve1.info/
