Lëvizja Vetëvendosje është dënuar me 3 mijë euro nga Paneli Zgjedhor për Ankesa dhe Parashtresa.
Sipas njoftimit me 14 janar PZAP-i ka pranuar një ankesë nga LDK-ja me të cilën pretendohet se në Pejë me datë 13 janar në tubimin politik të LVV-së, Albin Kurti gjatë fjalimit të tij ka bërë shkelje të Ligjit për Zgjedhjet e Përgjithshme në Kosovë siç thuhet duke përdorur gjuhë fyese dhe denigruese ndaj LDK-së.
Në njoftim thuhet se paneli e ka pranuar ankesën e LDK-së pasi që më datë 14 janar ka ndërmarrë hetim lidhur me pretendimet e saj dhe ka gjetur se të njëjtat janë të bazuara sepse deklaratat e cekura janë në kundërshtim me dispozitat ligjore në fuqi.
“Prandaj, kur na rastis të dëgjojmë ndonjë udhëheqës të ‘LËDËKYHIT ‘që thotë se po i pëlqen populli, populli ka simpati për ta, kjo mi përngjan asaj mizës që thoshte kudo që po shkoj, po më presin me duartrokitje (ironizon me gjestikulacion dhe shprehje të pakontrolluara të ftyrës)….”, ishte shprehur Kurti./teve1.info/
