Kandidati për deputet nga AAK-në, Nexhmedin Sejdiu ka thënë se Qeveria Kurti ka dështuar në çdo sferë të jetës.
Ai tha se dështimet e kësaj Qeverie janë të njëpasnjëshme, prandaj edhe sipas tij është kjo gjendje.
Tutje, mosparaqitjen e Kurtit në ftesën e Prokurorisë ai tha se është skandaloze dhe nuk kish guxu me qenë aktuale edhe në shoqëri primitive.
“Kjo Qeveri ka dështuar në çdo sferë të jetës… Dështimet e saj të njëpasnjëshme e kanë pru gjendjen e Kosovës në fushën e drejtësisë të mos ketë transparencë, llogaridhënie, të mos i përgjigjen ftesave të prokurorit të shtetit siç e bëri së fundi Kurti një shembull tejet negative që nuk duhet ta bënte edhe shumë e shumë dështime tjera në këtë fushë. Skandaloze mospërgjigjja e ftesës. Kjo nuk kish guxu me qenë aktuale edhe në shoqëritë shumë primitive…”, ka deklaruar ai në emisionin “Ditari” në Tëvë1.
