Kandidati për deputet për Koalicionin për Familje, Visar Korencia ka thënë se pritjet për Koalicionin për Familje është që të arrijnë numrin prej mbi 10 deputetë në Kuvendin e Kosovës.
“Po shihet qartë që njerëzit duan programin tonë, na ndjekin në mendje dhe ashtu siç është transmetuar në publik do të jemi befasia e këtyre zgjedhjeve, duke pasur parasysh që ka kohë që po tentohen të implementohen ligjet të cilat janë kundër familjes e në veçanti të cilat cenojnë integritetin në zhvillimin dhe edukimin e mirëfilltë të fëmijëve tanë. Pritjet për Koalicionin për Familjen është që të arrimë numrin prej 10 deputetë në Kuvendin e Kosovës po punojmë që ky numër të jetë edhe më i madh”, ka deklaruar Korenica në emisionin “Ditari” në Tëvë1.
Sipas tij, programi qeverisës i Koalicionit për Familje parasheh se gruaja nga lindja e parë për dy vite rresht do t`i merr 500 euro çdo muaj.
“Angazhimi i plotë sa i përket arsimimit cilësor duke pasur parasysh reformimin e komplet teksteve shkollore, Programi ynë parasheh se për një fëmijë dy vite rresht, pavarësisht të drejtave që do t`i kenë nga ana e lehonisë nga ana e kontratës së punësimit, fëmija i parë do të mbështetet 500 euro çdo muaj për dy vite rresht, nëse do ta ketë edhe fëmijën e dytë atëherë kosto do të shkojë ose mbulushmëria financiare do të shkojë në 750 euro për dy vite rresht.”, ka thënë ai.
Madje i pyetur për qeverisjen e Kurtit gjatë këtyre katër viteve, ai thotë se angazhimi më i avancuar i kryeministrit ka qenë në pjesën veriore të vendit.
“Qeverisja Kurti të vetmin avancim që ka qenë në dobi të vendit tonë ka qenë angazhimi më i avancuar në pjesën veriore të vendit dhe angazhimi 80% e krejt qeverisjes Kurti2”, thotë Korenica./teve1.info/
