Zëvendëskryeministri i Parë për Integrim Evropian, Zhvillim dhe Dialog Besnik Bislimi, ka zhvilluar takim me të ngarkuarën me punë në ambasadën e SHBA-së në Kosovë, Anu Prattipati.
Në këtë takim sipas komunikatës së Qeverisë është diskutuar për partneritetin Kosovë-ShBA dhe për fuqizimin e thellimin e marrëdhënieve mes dy shteteve tona.
Poashtu sipas njoftimit u diskutua edhe për zgjedhjet e ardhshme e fushata e cila sapo ka filluar dhe pritshmëritë e 9 shkurtit.
“Në takim u trajtua dhe bashkëpunimi rajonal, marrëdhëniet fqinjësore dhe procesi i dialogut e normalizimit të marrëdhënieve me Serbinë. Zëvendëskryeministri e falënderoi znj. Prattipati për bisedën e sotme e bashkëpunimin e vazhdueshëm, duke shprehur mirënjohjen për përkrahjen e Shteteve të Bashkuara të Amerikës ndaj Kosovës”, thuhet në komunikatë.
