Rusia dhe Ukraina kanë pasë sulme me dronë ndaj njëra-tjetrës të shtunën në mëngjes, duke plagosur dy persona në Zaporizhzhia në Ukrainë dhe të paktën shtatë në rajonin Tambov të Rusisë.
Dy persona u plagosën në sulmet me dronë rusë në qytetin jugor të Ukrainës, Zaporizhzhia, sipas kreut të administratës ushtarake rajonale atje, Ivan Fedorov.
Sulmet dëmtuan 20 shtëpi dhe shkaktuan tre zjarre dhe mbetjet nga dronët dëmtuan një kioskë tregtare, shtëpi private dhe një tub gazi me presion të ulët, njoftoi Shërbimi Shtetëror i Emergjencave të rajonit Zaporizhzhia.
Rusia lëshoi gjithashtu 74 dronë mbi Poltava, Sumy, Kharkiv, Cherkasy, Chernihiv, Kiev, Dnipropetrovsk, Zaporizhzhia, Kirovohrad, Kherson dhe Mykolaiv, tha ushtria e Ukrainës.
Ushtria ukrainasë shtoi se 47 dronë u rrëzuan ndërsa 27 u zhdukën nga radarët e tyre.
Në Rusi, të paktën shtatë persona u plagosën në një sulm ukrainas me dron në rajonin Tambov gjatë natës të së shtunës, sipas autoriteteve lokale.
Dritaret u thyen dhe ballkonet u dëmtuan në dy ndërtesa apartamentesh pesëkatëshe në qytetin e Kotovsk, tha në kanalin e tij Telegram guvernatori në detyrë i rajonit Tambov, Yevgeny Pervyshov, shkruan Euronews.
