Profesori universitar i shkencave politike, Nexhmedin Spahiu ka thënë se aleatët e Kosovës nuk lejojnë që të vijë në pushtet një Qeveri, e cila sipas tij rezultatin në veri do ta kthej në pikën zero.
Ai tha se në veri ka shumë përparime, por që sipas tij ende ka shumë gjëra që Qeveria aktuale është dashur që t’i bëjë dhe nuk i ka bërë.
“Me këtë retorike aleatët e Kosovës: SHBA, Britania e Madhe, BE-ja, Turqia dmth nuk e lejojnë me ardhë një Qeveri, e cila rezultatet që janë arritur në veri do t’i kthente në pikën zero. Nuk lejojnë një Qeveri të tillë. Situata në veri tash është si dita me natën… Ka gjëra që kjo Qeveri s’ka bërë e është dashur që t’i bëjë. Ende të drejtat e shqiptarëve dhe të komuniteteve tjera po shkelën për shkakun që qytetarët e besimit islam nuk e kanë një xhami të vetme atje”, ka thënë ai në emisionin “Info Nata” në Tëvë1.
Spahiu tha se Kurti ka dështime të shumta dhe sipas tij, merita më e madhe e tij është veriu.
“Ne po flasim cilat janë meritat dhe dështimet e tij. Ka dështime të shumta, por sigurisht merita më e madhe është veriu… Ia ka mundësuar njerëzve me shku në shpija të vet. Tash secili që dëshiron më shku në shtëpi të vetën mundët me shku”, ka thënë ai./teve1.info
