Skuadra e Bashkimit me mund të madh e ka mposhtur Trepçën në derbin e xhiros së 15-t të Superligës së Kosovës në basketboll.
Në duelin e luajtur në palestrën “Sezai Surroi” të mërkurën mbrëma, Bashkimi ka triumfuar me rezultatin e ngushtë 76:72.
Në fakt, Bashkimi e konfirmoi fitoren me pikët e shënuara të Lejson Zeqirit nga gjuajtja e lirë, ndonëse në çerekun e tretë kishte epërsi prej 23 pikëve (54:31).
Bashkimi ishte superior në dy çerekët e parë të ndeshjes, të cilët i fitoi me shifrat 18:16 dhe 21:11 për të shkuar në pushim me avantazh prej 12 pikëve.
Përkundër që Bashkimi krijoi epërsi të madhe, Trepça nuk u dorëzua dhe arriti ti fitoj dy çerekëy e dytë por që nuk e fitoi edhe ndeshjen.
Amerikanët Mack Smith dhe Wendell Green, e udhëhoqën skuadrën nga Prizreni drejt fitores pasi ndeshjen e përfunduan me nga 20 pikë secili.
Te Trepça, u veçua Drilon Hajrizi me 21 pikë kurse Sammy Hunter e Mikaile Tmushiq shtuan nga 13 pikë secili por nuk mjaftuan për ta mposhtur Bashkimin.
Përkundër humbjes, Trepça mbetet në krye të Superligës me 26 pikë, një më pak se Bashkimi që renditet i dyti.
