Mesfushori kroat, Luka Modriq po mendon që ta vazhdoj kontratën edhe për një vit me skuadrën e Real Madridit.
39-vjeçari ka kontratë me Realin deri në fund të këtij sezoni, por “Marca” ka raportuar se Modriq pritet që ta vazhdoj bashkëpunimin me klubin spanjoll deri në verën e vitit 2026.
Në rast se Modriq e rinovon kontratën me Realin, atëherë ai pritet të jetë pjesë e Kombëtares së Kroacisë edhe në Botërorin e vitit 2026.
Modriq është pjesë e Real Madridit prej vitit 2012 dhe tashmë konsiderohet si legjendë e klubit mbretëror, për të cilin këtë sezon ka 27 paraqitje dhe 2 gola të shënuar e 4 asistime.
