Sipas Latifit bëhet fjalë për një shkresë për bartjen e të hyrave vetanake nga viti 2021 në vitin 2022 për votimin e të cilës ka pasur “zhurmë” nga partitë tjera në Kuvendin e Komunës së Rahovecit.
“Ka qenë një pikë e rendit të ditës, që sipas Ministrisë së Financave, një dokument një shkresë duhet të rikthehet edhe njëherë në Kuvend, bartja e të hyrave vetanake nga viti 2021 në vitin 2022. Bëhej fjalë për 592 mijë euro diku, dhe ai dokument ose ajo pikë është votuar në shkurt të këtij viti. Mirëpo Ministria e Financave ka kërkuar korrigjim, pra ka kërkuar që nga një kategori investime kapitale, tri projekte të barten në kategorinë tjetër mallra dhe shërbime, kaq ka pasur”, tha ai.
Në një intervistë në emisionin “Info Nata”, i pari i Rahovecit ka deklaruar se të gjitha pikat e rendit të ditës para se të dalin në Kuvend për votim, trajtohen në komitetin për Politikë dhe Financa e që sipas tij, edhe kjo pikë për të cilën ka pasur problem ka kaluar në këtë komitet i cili është i përbërë nga anëtarët e të gjitha partive.
“Të gjitha pikat e rendit të ditës trajtohen në komitetin për Politikë dhe financa i cili është i përbërë nga anëtarë të të gjitha partive politike, edhe kjo pika për të cilën ka pasur problem ka kaluar në këtë komitet dhe askush nuk ka bërë zë, nuk ka bërë zhurmë deri atë ditë që e filluam seancën ku pika për kthimin e të hyrave vetanake nga viti 2021 në vitin 2022 është larguar nga rendi i ditës pa qenë prezent unë dhe një pjesë e madhe e asamblistëve të Aleancës”, tha ai.
Latifi tutje theksoi se partitë tjera kanë bërë një marrëveshje të tipit blloku opozitar dhe kanë zgjedhur kryesuesin i cili është nga Lëvizja Vetëvendosje dhe sipas tij është normale që nganjëherë të ketë mospajtime të tilla.
“Unë nuk kam ndonjë koalicion qeverisës, i kemi 13 anëtarë nga Aleanca për Ardhmërinë e Kosovës ndërsa 18 të tjerë janë nga partitë tjera, ata kanë bërë një marrëveshje si tip blloku opozitar dhe e kanë zgjedhur kryesuesin i cili është nga Lëvizja Vetëvendosje dhe normal nganjëherë ka mospajtime. Prandaj, nëse vonesat dikujt i konvenojnë, nuk i konvenojnë Komunës së Rahovecit sepse ato janë obligime, borxhe të cilat operatorët i presin, pra i kanë pritur që nga shkurti sepse e njëjta është votuar në shkurt dhe nëse ajo pikë nuk do të votohej ose do të vonohej, ata mund të zemërohen dhe mund t’i dërgojnë në proceduara përmbarimore”, tha Latifi.
Ndërkaq Latifi në Tëvë1 bërë të ditur se seanca Kuvendit komunal në Rahovec është shtyrë për ditën e enjte. /teve1.info/
