Aksident në rrugën Prishtinë-Gjilan, lëndohet një person

Një person është lënduar në një aksident trafiku që ka ndodhur sot në rrugën Prishtinë-Gjilan.

Kështu ka bërë të ditur për Tëvë1, zëdhënësja e policisë, Flora Ahmeti, e cila ka thënë se me rastin po merret njësiti i trafikut.

“Sot rreth orës 21:00 në rrugën Prishtinë-Gjilan, ka ndodhur një aksident trafiku, ku kanë qenë i përfshirë një automjet. Si pasojë e aksidentit lëndime trupore ka pësuar një person. Me rastin po merren hetuesit nga njësiti i trafikut”, ka deklaruar ajo.