Partia Demokratike e Kosovës ka dërguar në Gjykatën Kushtetuese 16 projektligje të votuara në seancën e të enjtes së kaluar.
Lidhur me këtë, avokat Visar Rrecaj deklaron se dërgimi i ligjeve në Kushtetuese është brenda kornizave ligjore.
Ai deklaroi se PDK-ja ka bërë mirë që i ka dërguar projektligjet, duke cekur sidomos atë të Ligjit për Byron.
“Parlamentarizmi dhe veprimet parlamentare të një opozite sikur kjo që ka qenë e vogël në numra, procedimi apo inicimi i procedurave për verifikimin e Kushtetushmërisë në Gjykatën Kushtetuese është opozitarizëm i moderuar. Dërgimi i këtyre ligjeve është absolutisht brenda kornizave ligjore është mirë që janë dërguar, sidomos Ligji për Byronë kosovare të Konfiskimit të Pasurisë”, tha ai në emisionin “Ditari” në Tëvë1.
