Chelsea do të fillojë një epokë të re, të drejtuar nga Todd Boehly i cili është i vendosur për të blerë Blutë nga Roman Abramovich pas një procesi garues dhe të zgjatur ofertimi që ka vazhduar që nga muaji mars.
Boehly, i cili zotëron Los Angeles Lakers dhe LA Dodgers, pritet t’i jepet miratimi nga Premier League për të përfunduar blerjen e tij pasi arriti një marrëveshje me bankën e investimeve të Nju Jorkut Raine Group që lehtësoi shitjen.
Miliarderi amerikan, i cili ka një vlerë neto prej rreth 4.4 miliardë dollarë, ka qenëqë nga fillimi një opsion i mundshëm për mbështetësit të Chelseat për shkak të njohurive të tij për klubin dhe suksesit të tij në sporte të tjera.
Kauza e tij është ndihmuar edhe nga fakti se ai ka qenë mjaft transparent me propozimin e tij gjatë procesit të tenderimit.
Sigurisht, ka shumë pak gjasa që ndonjë pronar të vazhdojë të drejtojë Chelsean siç bëri Abramovich.
Rusi nuk ka kursyer asgjë nga vetja duke investuar çdo gjë të nevojshme tek skuadra londineze. Abramovich shpenzoi mbi 2 miliardë dollarë të pasurisë së tij personale në klub për të siguruar që skuadra të ketë stabilitet dhe të korrte sukses.
Që tani e tutje, Blutë do të duhet të jenë më të zgjuar në tregun e transferimeve dhe do të financojnë biznesin përmes të të ardhurave të klubit.
Kur bëhet fjalë për rekrutimin e lojtarëve, Chelsea tani synon të marrë shembul ekipin e Liverpool, i cili ka arritur të konkurrojë me Manchester Cityn për titujt e Premier League duke bërë nënshkrime të përshtatshme me filozofinë e futbollit të trajnerit të tyre.
Për kundër strategjisë se Abramovich për të qenë të egër në afatin e transferimeve, pronarët e rinj dëshirojnë që të jenë më të pjekur në këtë pjesë, në mënyrë që të ofrojnë vetëm futbollistë për të cilët kanë nevojë.
