Kryetari i AAK-së, Ramush Haradinaj, ka thënë se Katedralja Notre-Dame, është një nga simbolet më të mëdha të kulturës franceze dhe botës.
Haradinaj ka thënë se sot festohet rilindja e një monumenti të pazëvendësueshëm 850-vjeçar të qytetërimit. Ai ka kujtuar që në vitin 2018 në cilësinë e të parit të qeverisë, kontribuoi në rindërtimin e Katedrales me 20 mijë euro.
“Sot, një nga simbolet më të mëdha të kulturës franceze dhe botës, Katedralja Notre-Dame në Paris po hap sërish dyert e saj pas një rindërtimi të madh. Me 18 maj 2018, në cilësinë e Kryeministrit të Republikës së Kosovës dhe gjithë qytetarëve te vendit u bashkuam me përpjekjet e popullit francez dhe vendeve mike për rindërtimin e saj me një donacion prej 20.000€”.
“Një shumë simbolike e që hasi edhe në shumë kritika shkurt-pamëse të kohës, por që sot të gjithëve na bën të jemi krenarë që edhe ne si Kosovë jemi pjesë e familjes së kombeve të lira dhe të qytetëruara që mbeshtet dhe mbron vlerat e kulturës dhe trashëgimisë universale”, ka shkruar Haradinaj në Facebook.
