Disa konkluzione do të votohen gjatë muajit në një këshill të BE-së dhe për Serbinë duket se nuk ka lajme të mira. Ndër tjerash, BE do do t’i bëjë thirrje Serbisë, përgjegjësit e Banjskës urgjentisht të nxjerrën para drejtësisë.
Përgjegjësit për dhunën në veri të Kosovës gjatë vitit 2023, urgjentisht të nxjerrën para drejtësisë është thirrja e Bashkimit Evropian për Serbinë.
Drafti i konkluzioneve për zgjerim që flet për Serbinë e që pritet të miratohen më vonë në një këshill të BE-së, I siguruar nga Radio Evropa e Lirë numëron një mori thirrjesh për Serbinë.
“Këshilli përsërit thirrjet që Serbia të bashkëpunojë plotësisht dhe të ndërmarrë hapat e domosdoshëm që të sillen urgjentisht para drejtësisë kryesit e sulmeve të vitit 2023. Këshilli nënvizon nevojën për llogaridhënie të plotë dhe shpreh keqardhje të thellë që Serbia ka ndërmarrë hapa të pamjaftueshëm në këtë drejtim”.
I bëhet thirrje Serbisë të përmbahet nga retorika nxitëse dhe hapat e njëanshëm dhe provokues dhe se nuk ka arsyetim për dhunë.
“Këshilli përsërit dënimin e fuqishëm të akteve të dhunës nga protestuesit serbë të Kosovës ndaj qytetarëve, trupave të KFOR-it, organeve të rendit dhe mediave më 29 maj 2023 dhe sulmet e dhunshme ndaj Policisë së Kosovës më 24 shtator 2023 në veri të Kosovës. Nuk ka arsyetim për dhunë”.
Në konkluzionet po ashtu përmendet edhe dialogu për normalizimin e raporteve mes Kosovës dhe Serbisë.
Aty përsëritet thirrja për Serbinë që të respektojë të gjitha obligimet e dialogut dhe që pa vonesa të angazhohet në zbatimin e Marrëveshjes për rrugën drejt normalizimit të raporteve.
KE vlerëson përparimin e Kosovës dhe e inkurajon t’i normalizojë marrëdhëniet me Serbinë
Në konkluzione, BE-ja ia rikujton Serbisë se obligimet për zbatimin e kësaj marrëveshjeje me Kosovën janë bërë pjesë formale e procesit të negociatave të anëtarësimit të Serbisë në BE.
Ndërkaq, Presidenca hungareze e BE-së dhe Komisioni Evropian janë duke vazhduar përpjekjet për të siguruar pajtimin e të gjitha vendeve anëtare që me Serbinë të hapet për negociata grup-kapitulli 3.
Ndërkohë në BE s’ka pajtim për hapjen e kapitujve për anëtarësim me Serbinë.
