Kryetari i Sindikatës së Bashkuar të Arsimit, Shkencës dhe Kulturës, Rrahman Jasharaj, ka thënë ministrja e Arsimit, Arbërie Nagavci ka injoruar kërkesat e mësimdhënësve.
Në protestën e organizuar nga SBASHK, Jasharaj tha se Nagavci nuk u bë zë i të punësuarve të arsimit.
“Ministrja Nagavci as edhe një herë nuk u bë zë i të punësuarve në arsim dhe as edhe një herë nuk foli në Qeveri e nuk kërkojë të debatohej për kërkesat legjitime të punëtorëve të arsimit. Ajo u mundua ta mohoj e zhvlerësoj një anshëm Kontratën Kolektive të Arsimit dhe atëherë deklaronte se do të bisedohet për Kontratën e re, por shihet se e ka pasur vetëm si deklaratë, sepse tani e sa muaj i kemi drejtuar kërkesa për dialog lidhur me Kontratën dhe më 2 tetor ia kemi dorëzuar draftin e ri të Kontratës Kolektive të Arsimit.Në me muaj të tërë dërguam komisionin tonë dhe draftin dhe Nagavci i ikte dialogut”, tha Jasharaj.
Qindra punëtor të SBASHK-ut protestuan duke kërkuar rritje të pagës dhe respektim të Kontratës Kolektive.
Ata nuk e kanë përjashtuar as hyrjen në grevë nëse kërkesat e tyre nuk plotësohen.
