Deputetja e Partisë Demokratike të Kosovës, Ganimete Musliu, ka reaguar ndaj deklaratës së kryeministrit të Kosovës Albin Kurti i cili ka thënë se ushtria e Kosovës nuk mund të shkojë në veri nga zotimi i ish-presidentit Hashim Thaçi.
Musliu ka thënë se Kurtit po i vjen fundi, ndërsa sipas saj Thaçi së shpejti do të kthehet në Kosovë si triumfues.
Sipas saj ajo shkresë, shfaq edhe njëherë largpamësinë politike të një lideri siç e ka quajtur të kalibrit historik i cili siç është shprehur ajo ‘e paska ditur që në krye të shtetit mund të vijnë kamikazët si Kurti’.
“Qielli e toka mund të bëhën bashkë, por Albin Kurti mendë me mbledhë kurrë jo. Po kur ke tregu respekt ti për dikën a për diçka bre??? E sa i përket dëshirës tënde me dhezë luftë, nëse ke këllqe, thirre edhe Vjosën e kapeni atë letër bëjëni copë e grimë e nisuni me ushtri drejt veriut. Tregone me vepër atë azganllëkun e fushatës suaj demagogjike. Përndryshe mbylle atë gojë që sa herë e hapë, veç maskarallëk nxjerr prej saj. Zhyll i keq dhe dështak në çdo aspekt. Po të vjen fundi ty kurse Hashim Thaçi së shpejti do të kthehet në Kosovë ashtu siç ka qenë gjithmonë: Triumfues! P.s Ajo shkresë, përndryshe shfaqë edhe njëherë largpamësinë politike të një lideri të kalibrit historik. Ai e paska ditur që në krye të shtetit tonë të ri mund të vijnë kamikazat si ti që pesë pare si dhanë as për shtet as për popull”, ka shkruar ajo në Facebook.
Të dielën kryeministri Kurti në një konferencë për media lidhur me sulmin në kanalin e Ibër-Lepencit, ndër të tjera, tha se në veri jemi të hendikepuar sepse “ushtria jonë nuk mund të shkojë atje nga zotimi i ish-kryeministrit Thaçi”.
“Kanali Ibër-Lepenc, është një kanal prëj mbi 50km dhe natyrisht që është tejet e vështirë që ai të kontrollohet e të jetë në mbikëqyrje 24/7 në tërë gjatësinë e tij. Pra nuk bëhet fjalë për 50 metra, por për më shumë se 50km. Në veriun e Kosovës ne jemi të hendikepuar meqenëse ushtria jonë që nga zotimi i ish-kryeministrit Thaçi në vitin 2013 nuk mund të shkojë në veri të Ibrit dhe në këtë mënyrë atje nuk është situata sikurse në pjesët tjera të vendit tonë. Ne po e respektojmë letrën e pararendësit tim, ndonëse unë as s’e kam mirëpritur e as s’më pëlqen, por e respektojmë, Në veri kemi KFOR-in dhe Policinë e Kosovës. A do të ishte më mirë, më sigurt të ishte ushtria e Kosovës? Po, por ne respektojmë atë zotim të pararendësit”, është shprehur ai në konferencë./teve1.info/
