Basketbollistët e Kosovës të mërkurën kanë mbajtur stërvitjen e fundit në Prishtinë dhe ndihen plotësisht të gatshëm për dy ndeshjet parakualifikuese për Botërorin 2027.
“Dardanët” kanë nisur përgatitjet javën e shkuar, ndërsa selektori Jean-Denys Choulet ka publikuar listën përfundimtare për ndeshjet me Zvicrën e Irlandën.
“Për shkak të lëndimit nuk do të jetë Musab Mala, derisa në fund probleme me lëndime kanë pasur edhe Valon Bunjaku dhe Samir Zekiqi, duke mos arritur të jenë të gatshëm për këto ndeshje”, ka shkruar FBK-ja në njoftim.
Dardan Berisha, Meriton Ismaili, Arti Hajdari, Gëzim Morina, Arian Qallaku, Lis Shoshi Mikaile Tmushiq, Erjon Kastrati, Dardan Kapiti, Rron Ukaj, Muhamedali Janjeva e Dominic Artis, janë 12-të lojtarët e zgjedhur nga selektori Choulet.
Kosova, të enjten përballet në udhëtim me Zvicrën kurse të dielën do të ketë punë me Irlandën, po ashtu në udhëtim.
Kosova ka një fitore dhe një humbje në këto parakualifikime sikurse edhe Azerbajxhani që është pjesë e grupit.
Prinë Zvicra me dy fitore në po aq ndeshje, ndërsa Irlanda është e fundit në grup me dy humbje në dy duele të luajtura deri më tani.
