Përfshihet nga zjarri një shtëpi në Malishevë, nuk raportohet për të lënduar

Një shtëpi është përfshi nga zjarri të premten në Malishevë.

Në raportin e policisë bëhet e ditur se në vendin e ngjarjes përveç njësive relevante policore kanë dalë edhe zjarrfikësit të cilët e kanë shuar zjarrin.

Policia ka bërë të ditur se nuk është raportuar për persona të lënduar dhe rasti është duke u hetuar.

“Fsh. Shkarashnik, Malishevë 15.11.2024 – 09:45. Është raportuar se për shkaqe ende të panjohura, shtëpia pronë e viktimës mashkull kosovar ishte djegë nga zjarri. Në vendin e ngjarjes përveç njësive relevante policore kanë dalë edhe zjarrfikësit të cilët e kanë shuar zjarrin, nuk raportohet për ndonjë person të lënduar. Rasti është duke u hetuar”, bëhet e ditur në raport të policisë./teve1.info/