Nga 15 nëntori, për shoferët e veturave fillon sezoni dimëror. E të mërkurën, 100 shoferë erdhën në një punëtori për t’i zëvendësuar gomat e sezonit veror me atë dimëror. Sipas menaxherit të pikës interesimi është shumë i madh. Thirrjen për përgatitjen e pajisjeve dimërorë e ka përsëritur edhe Policia e Kosovës.
Me anë të këtyre mjeteve po i largon gomat e verës.
E në zëvendësim të tyre, këta punëtorë po i pajisin shoferët me goma të sezonit dimëror për veturat e tyre.
Madje, disa prej tyre edhe po presin për shkak të interesimit të shtuar.
Menaxheri i kësaj pike në Fushë Kosovë, Sedat Abdullahu po thotë se shumë qytetarë kanë ardhur t’i ndërrojnë gomat.
E qytetari Rami Kurtishi thotë se vendosja e gomave të dimrit është esenciale për shoferët e veturave.
Gjatë ditës edhe Policia e Kosovës ka bërë thirrje që të gjithë shoferët të përgatiten me pajisjet e sezonit dimëror.
E këto mjete kërkohet që të jenë nga 15 nëntori deri më 15 mars.
