Kryetari i Podujevës, Shpejtim Bulliqi mëngjesin e sotëm ka vizituar në Klinikën Intenzive në QKUK motrat M.B dhe L.B, të cilat para dy ditësh u therën me thikë në Ferizaj.
Përmes një postimi në Facebook, Bulliqi ka thënë se të dy të lënduarat vijnë nga qyteti i Podujevës.
E për këtë rast, kryetari i kësaj komune ka njoftuar se do të ofron ndihmë financiare familjes së dy të lënduarave.
“Sot në orët e hershme të mëngjesit në Klinikën Intenzive në QKUK e kam vizituar M.B. 12 vjeçare nga Podujeva, e cila së bashku me motrën e saj L.B 15 vjeçare para dy ditësh u përballën me një rast të rëndë në Ferizaj. Të dyja këto dhe dy persona tjerë u sulmuan me thikë nga një person tjetër, por nga të gjithë M.B. e kishte gjendjen më të rëndë. Për fat të mirë, gjendja e vajzës që ndodhet në Klinikën Intezive në QKUK ka filluar të stabilizohet. Motrat M.B. dhe L.B. i përkasin komunitetit ashkali dhe janë nga Podujeva”, ka shkruar ai./teve1.info/
