E këto punime u ndalën një ditë pas fillimit të punës nga financuesit, të cilët ishin Bashkimi Evropian dhe Kombet e Bashkuara.
E shkak i ndalesës ishte deklarata në Twitter e ambasadorit gjerman në Prishtinë, Jörn Rohde.
“Shumë i shqetësuar për planet e restaurimit të shtëpisë së Xhafer Devës, një bashkëpunëtor/protagonist i njohur nazist i SS famëkeq Skanderbeg Div. Asnjë zbardhje e historisë! Mos e shtrembëroni të vërtetën në lidhje me Holokaustin ose krimet e luftës të kryera nga nazistët dhe bashkëpunëtorët vendas”.
Mirëpo, sipas familjarëve gjatë vitit 1946 me vendimin e gjyqit ushtarak serbo-komunist, u konfiskua kjo shtëpi edhe disa prona të tjera të familjes Deva.
Valdet Deva thotë se kanë kërkuar nga Ministria e Kulturës që këto prona që tash janë publike, të shqyrtohen pa vonesa.
“Familja Deva konsideron mundësinë që së bashku me ndihmën e miqve ta rinovojmë këtë shtëpi vet, në rast se Ministria e Kulturës tërhiqet nga ky projekt. Është me rëndësi të theksohet se familja Deva pretendon te sigurojë hapësirën e duhur brenda shtëpisë për një muze të Lidhjes së Prizrenit, ku do te shfaqej tërë puna, angazhimi dhe flijimi i Xhafer Devës dhe bashkëpunëtorëve të tij në realizimin e asaj që ne gëzojmë sot, Pavarësinë e Kosovës”.
Në anën tjetër, qytetarët e Mitrovicës janë pro idesë që në këtë shtëpi të vazhdojnë punimet.
Ka të tillë që thonë se janë gati edhe për ndihmë.
Sipas Nexhmedin Spahiut, ky personalitet është njëra ndër fytyrat më të ndritshme të Kosovës.
Spahiu jep arsyet se pse kjo shtëpi duhet të restaurohet.
Më 25 maj, për nder të 44 vjetorit të vdekjes së Devës, do të organizohet Akademi Përkujtimore, ku familjarët kanë ftuar edhe krerët e shtetit.
