Milan – Napoli, do të jetë derbi i xhiros së dhjetë në Serie A të Italisë, që do të luhet këtë mesjavë.
Në fakt, kjo përballje zhvillohet sonte prej orës 20:45 në stadiumin “San Siro”, ku Milani synon ta ndalë Napolin që llogaritet favorit në këtë derbi.
Aktualisht, Napoli është lider në kampionatin italian me 22 pikë të mbledhura, 8 më shumë se Milani që është i teti në tabelë dhe ka një ndeshje më pak të zhvilluar.
Milani nuk do të jetë i kompletuar për këtë derbi pasi i mungon Theo Hernandez dhe Tijjani Reijnders për shkak të suspendimit.
Në anën tjetër, Napoli nuk pritet të ketë mungesa kurse prej minutës së parë pritet të luaj kapiteni i Kosovës, Amir Rrahmani.
Derbin ndërmjet Milanit dhe Napolit mund ta përcillni në platformën Telkos, e cila do të bëjë transmetimin edhe të dueleve tjera të xhiros së dhjetë të kampionatit të Italisë.
