Siç është pritur, ylli spanjoll, Lamine Yamal e ka fituar trofeun “Kopa” në ceremoninë e “Topit të Artë”, i cili ndahet për futbollistin më të mirë të ri.
Futbollisti i Barcelonës është lojtari i parë më i ri se 18 vjet që e fiton këtë çmim.
Ky trofe i ndahet për futbollistët deri në 21 vjet, ndërsa votojnë ish-fituesit e çmimit “Topi i Artë”.
Yamal shkëlqeu që në moshën 16-vjeçare, pasi arriti të triumfoj në “Euro 2024” me Kombëtaren e Spanjës.
Ai gjithashtu ka treguar edhe paraqitje të mira me fanellën e Barcelonës, ndërsa në garë për trofeun “Kopa”, Yamal e mposhti Savinhon e Arda Gulerin për t’u shpallur lojtari më i mirë i ri.
